ᐊᐱᖅᑯᑎᒋᔭᐅᒡᒍᔪᑦ

ᑐᓴᐅᒪᔾᔪᑎᓂᒃ ᐊᑐᐃᓐᓇᖃᕐᓂᖅ ᐱᖁᔭᕐᔪᐊᖅ

ᓄᓇᕗᑦ ᒐᕙᒪᒃᑯᖏᓐᓂᑦ ᑐᓴᒐᒃᓴᓕᕆᓂᕐᒧᑦ ᑲᖑᓇᖅᑐᓕᕆᓂᕐᒧᓪᓗ ᓴᐳᔾᔭᐅᒋᐊᖃᕐᓂᖏᓐᓄᑦ ᑲᖑᓇᖅᑐᑦ ᐱᖁᔭᖅ (ᐱᖁᔭᖅ) ᓴᐳᔾᔨᒍᑕᐅᕗᖅ ᑭᓇᑐᐃᓐᓇᖅ ᐱᔾᔪᑎᒋᓪᓗᒍ ᑎᑎᖃᖁᑎᖏᓐᓂᒃ ᐱᓯᒪᔭᐅᔪᓂᒃ ᒐᕙᒪᒃᑯᓐᓄᑦ. ᐱᓕᕆᐊᒃᓴᖃᖅᐳᖅ ᑐᑭᓯᒋᐊᕈᑎᒃᓴᓂᒃ ᑲᖑᓇᖅᑐᓂᒡᓗ ᓴᐳᔾᔨᓂᕐᒧᑦ ᑲᒥᓯᓇ ᑕᒪᒃᑯᐊ ᒐᕙᒪᒃᑯᑦ ᑎᑎᖃᐃᑦ ᐱᓯᒪᔭᖏᑦ ᑕᑯᔭᐅᑦᑕᐃᓕᒋᐊᖃᕐᓂᖏᓐᓄᑦ ᑕᒪᒃᑯᐊ ᐱᓕᕆᐊᕆᔭᐅᒋᐊᖃᕐᓂᖏᓐᓄᑦ ᒐᕙᒪᒃᑯᓐᓄᑦ ᐱᖁᔭᓂᒃ ᒪᓕᒡᓗᑎᒃ.

ᓄᓇᕗᑦ ᒐᕙᒪᒃᑯᖏᓐᓂᑦ ᑐᓴᒐᒃᓴᓕᕆᓂᕐᒧᑦ ᑲᖑᓇᖅᑐᓕᕆᓂᕐᒧᓪᓗ ᓴᐳᔾᔭᐅᒋᐊᖃᕐᓂᖏᓐᓄᑦ ᑲᖑᓇᖅᑐᑦ ᐱᖁᔭᖅ ᒪᓕᒐᖑᓚᐅᖅᓯᒪᕗᖅ ᓄᓇᑦᓯᐊᒥ ᑎᓴᐱᕆ 31, 1996-ᒥ ᒪᓕᒐᖑᖅᑎᑕᐅᓪᓗᓂᓗ ᓄᓇᕗᒥ ᓄᓇᕗᑖᖅᓯᒪᓕᖅᑎᓪᓗᒋᑦ. ᑕᒪᐃᓐᓄᑦ ᒐᕙᒪᒃᑯᑦ ᐱᓕᕆᕕᖏᓐᓄᑦ ᑐᕌᖅᖢᓂ ᑎᒥᖁᑎᖏᓐᓄᓪᓗ, ᑲᑎᒪᔨᖏᓐᓄᓪᓗ ᐊᒻᒪᓗ ᑲᑎᒪᔨᕐᔪᐊᒃᑯᖏᓐᓄᑦ, ᐊᒻᒪ ᓯᓚᑦᑐᖅᓴᕐᕕᓕᕆᔨᒃᑯᖏᓐᓄᑦ.

ᑕᒪᒃᑯᐊ ᑕᒪᕐᒥᒃ ᒐᕙᒪᒃᑯᑦ ᑎᒥᖁᑎᖏᑦ ᐱᖁᔭᓂᒃ ᒪᓕᒋᐊᖃᖅᑐᑦ, ᐱᔭᐅᔪᓐᓇᖅᐳᑦ ᖃᕆᑕᐅᔭᒃᑯᑦ ᐅᕙᓂ (ᖃᕆᑕᐅᔭᒃᑯᑦ ᑐᕌᕈᑎᖏᑦ ᒪᓕᒡᓗᒋᑦ) ᐅᕙᓘᓐᓃᑦ www.gov.nu.ca/Nunavut/atip/pubs/html

 

ᐱᖁᔭᒃᑯᑦ ᑭᒃᑯᑐᐃᓐᓇᐃᑦ ᐱᔪᓐᓇᕐᓂᖃᖅᐳᑦ ᑎᑎᕋᖅᓯᒪᔪᓂᒃ ᑐᑭᓯᒋᐊᕈᑎᒃᓴᓂᒃ ᐱᔪᓐᓇᕐᓗᑎᒃ ᐱᓯᒪᔭᐅᔪᓂᒃ ᒐᕙᒪᒃᑯᓐᓄᑦ. ᑕᒪᒃᑯᐊ ᓴᖅᑭᔮᕈᓐᓇᖅᖢᑎᒃ ᑎᑎᕋᖅᓯᒪᔪᒃᑯᑦ, ᑕᕐᕆᔭᐅᑎᒃᓴᖑᐊᒃᑯᑦ ᐃᒧᓯᒪᔪᒃᑯᑦ ᖃᕆᑕᐅᔭᒃᑯᓪᓘᓐᓃᑦ ᓂᐱᖑᐊᓕᐅᖅᓯᒪᔪᒃᑯᑦ ᑕᒪᒃᑯᑎᒎᓇᓗ ᐊᔾᔨᓕᐅᖅᓯᒪᔪᒃᑯᑦ ᓄᓇᖑᐊᓕᐅᖅᓯᒪᔪᒃᑯᓪᓗ. ᐱᔪᓐᓇᕐᓂᖃᖅᐳᓪᓗ ᑭᒃᑯᑐᐃᓐᓇᐃᑦ ᑐᒃᓯᕋᐅᑎᖃᕐᓂᕐᒥᑦ ᑐᑭᓯᒋᐊᕈᑎᒃᓴᓂᒃ ᐱᒍᒪᓂᕐᒧᑦ ᑕᒻᒪᖅᓯᒪᔪᓪᓗ ᐋᖅᑭᒋᐊᖅᑕᐅᖁᔭᐅᔪᓐᓇᖅᖢᑎᒃ ᒐᕙᒪᒃᑯᓐᓄᑦ ᐱᓯᒪᔭᐅᔪᑦ ᐃᖕᒥᓄᑦ ᐱᔾᔪᑎᖃᖅᑐᑦ. ᑕᒪᒃᑯᐊ ᖃᐅᔨᒋᐊᖅᑕᐅᒍᒪᔪᓐᓇᖅᖢᑎᒃ ᐃᖕᒥᒧᑦ ᐱᔾᔪᑎᖃᖅᑐᑦ ᑎᑎᖃᐃᑦ ᑐᑭᓯᒋᐊᕈᑎᒃᓴᐃᑦ ᑐᕌᕈᑎᑦ, ᐊᕐᓇᐅᖕᒪᖔᑦ ᐊᖑᑕᐅᖕᒪᖔᑦ, ᖃᑦᓯᓂᒃ ᐅᑭᐅᖃᕐᓂᖓ, ᐃᓕᓐᓂᐊᖅᓯᒪᓂᖓ ᐊᓯᖏᓪᓗ ᒐᕙᒪᒃᑯᓐᓄᑦ ᐱᓯᒪᔭᐅᔪᓂᒃ.

ᐋᒃᑲ. ᐱᖁᔭᑦ ᑐᕌᖅᑐᑐᐊᖑᖕᒪᑕ ᒐᕙᒪᒃᑯᓐᓄᑦ. ᑕᒪᒃᑯᓄᖓ ᑐᕌᖏᑦᖢᑎᒃ ᓇᖕᒥᓂᖅ ᐱᓕᕆᕕᖃᖅᑐᓄᑦ ᑲᑉᐸᓂᓄᑦ, ᑮᓇᐅᔭᒃᑯᕕᖕᓄᑦ, ᐊᑭᓕᒃᓴᖅᑖᕈᑎᖃᕐᓂᕐᒧᑦ ᐱᓕᕆᕕᖕᓄᑦ, ᐋᓐᓂᐊᕐᕕᖕᓄᑦ, ᓘᑦᑕᑦ ᑎᑎᖃᖁᑎᒋᔭᖏᓐᓂᒃ ᑲᓇᑕᐅᑉ ᒐᕙᒪᒃᑯᖏᑦᑕᓗ ᑎᒥᖁᑎᖏᓐᓂᑦ.

ᐊᔾᔨᖏᓐᓂᒃ ᑲᓇᑕᒥ ᖃᓪᓗᓈᑦ ᓄᓇᖓᓐᓂ ᐱᖁᔭᖁᑎᖏᑦ ᑕᑯᔭᒃᓴᐅᔪᓐᓇᖅᐳᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᕕᖓᓐᓂᑦ. ᐊᔾᔨᖏᓐᓂᒡᓗ ᐱᔪᓐᓇᖅᖢᓯ ᖃᕆᑕᐅᔭᒃᑯᑦ ᐅᑯᓇᖓᑦ:

    *ᑕᒡᕙᖓᑦ ᖃᕆᑕᐅᔭᒃᑯᑦ ᖃᐅᔨᒋᐊᕐᕕᖕᒥᑦ

    *ᓄᓇᕗᑦ ᒐᕙᒪᒃᑯᖏᑦᑕ ᓄᓇᕗᑦ ᒐᕙᒪᒃᑯᖏᓐᓂᑦ ᑐᓴᒐᒃᓴᓕᕆᓂᕐᒧᑦ ᑲᖑᓇᖅᑐᓂᒡᓗ ᓴᐳᔾᔭᐅᒋᐊᖃᕐᓂᖏᓐᓄᑦ ᑲᖑᓇᖅᑐᓂᒡᓗ ᖃᐅᔨᒋᐊᕐᕕᖕᒥᑦ

ᐊᔾᔨᖏᓐᓂᒃ ᐱᖁᔭᐃᑦ ᐱᒍᒪᔪᑦ ᖃᐅᔨᒋᐊᕐᕕᖃᕈᓐᓇᖅᐳᑦ  ᒐᕙᒪᒃᑯᖏᓐᓂᑦ ᑐᓴᒐᒃᓴᓕᕆᓂᕐᒧᑦ ᑲᖑᓇᖅᑐᓪᓗ ᓴᐳᔾᔭᐅᒋᐊᖃᕐᓂᖏᓐᓄᑦ ᑲᒥᓯᓇᐅᑉ ᑎᑎᕋᕐᕕᖓᓐᓂᑦ ᐅᕙᓂ ᐅᖄᓚᐅᑎᖃᖅᖢᓂ, ᐊᑭᖃᖏᑦᑐᒃᑯᑦ , at 1-888-521-7088

ᑐᓴᒐᒃᓴᐅᔪᑦ ᑭᓐᖒᒪᔭᑎᑦ ᐱᔪᓐᓇᖅᑕᑎᑦ, ᑕᐃᒪᐃᒐᔪᒃᑐᑎᓪᓗ, ᐅᖄᓚᑐᐃᓐᓇᕐᓗᑎᑦ, ᑎᑎᕋᕐᓗᑎᑦ ᐅᕝᕙᓗ ᐅᐸᑦᑎᐊᒻᒪᕆᓪᓗᒋᑦ ᑐᑭᓯᒋᐊᕐᕕᒋᔪᒪᔭᑎᑦ ᒐᕙᒪᒃᑯᓐᓂᑦ ᑲᑐᔾᔨᖃᑎᒌᖑᔪᑦ. (ᓇᓗᒍᕕᑦ ᑐᕌᕈᑎᖓᓂᒃ ᐅᖄᓚᐅᑎᖓᑕᓘᓐᓃᑦ ᓈᓴᐅᑎᖓᓂᒃ, ᑕᑯᒋᐊᕈᓐᓇᖅᑐᑎᑦ ᑐᖑᔪᖅᑐᓂ ᒪᒃᐱᖅᑐᒐᐅᔪᓂ ᐅᖄᓚᐅᑎᓯᐅᑎᓂ.)

ᑐᓴᒐᒃᓴᐅᔪᒥ ᐱᓇᓱᑦᑕᕋᓗᐊᓐᓂᒃ ᐱᓐᖏᒃᑯᕕᑦ, ᑎᑎᖅᑲᑎᒍᑦ ᑐᓴᒐᒃᓴᓂ ᑐᒃᓯᕋᕈᓐᓇᕐᒥᔪᑎᑦ.

ᐋᒃᑲᑎᐊᒻᒪᕆᒃ. ᐅᑯᐊ ᒪᓕᑐᐃᓐᓇᕐᓗᒋᑦ:

ᓯᕗᓪᓕᖅᐹᖅ: ᑕᑕᑎᕐᓗᒍ ᑕᑕᑎᕆᐊᓕᒃ, ᐅᕝᕙᓗ ᑎᑎᕋᕐᓗᑎᒃ ᑐᒃᓯᕋᕐᓂᕋᕐᓗᑎᒃ ᑐᓴᒐᒃᓴᐅᔪᒥᒃ ᒪᓕᓪᓗᒋᑦ ᐱᖁᔭᕐᔪᐊᑦ. (ᑕᐃᒃᑯᐊ ᑐᒃᓯᕋᐅᑎᐅᔪᑦ ᑕᑕᑎᕆᐊᓖᑦ ᐊᑐᐃᓐᓇᐅᔪᑦ ᒐᕙᒪᒃᑯᑦ ᑲᑐᔾᔨᖃᑎᒌᖏᓐᓂᒃ ᓄᓇᕗᓕᒫᒥ ᐅᕝᕙᓗ ᖃᕋᓴᐅᔭᒃᑯᑦ ᑕᕝᕘᓇ ᑐᑭᓯᒋᐊᕐᕕᒃᑯᑦ)

ᑭᖑᓪᓕᖅ: ᑐᓂᓗᒍ ᑕᑕᑎᖅᓯᒪᔪᖅ ᐅᕝᕙᓗ ᑎᑎᖅᑲᐅᔪᖅ ᐅᕗᖓ “ᑐᓴᒐᒃᓴᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᐊᐅᓚᑦᑎᔨᐅᔪᒧᑦ” ᒐᕙᒪᒃᑯᑦ ᑲᑐᔾᔨᖃᑎᒌᖏᓐᓂ ᑕᐃᒃᑯᐊ ᐱᑕᖃᑐᐃᓐᓇᕆᐊᖃᖅᑐᑎᑦ ᐃᕝᕕᑦ ᕿᓂᖅᑕᖓᓂ. ᖃᐅᔨᒪᔭᕆᐊᓕᒃ: $25−ᒥ ᐱᖃᓯᐅᔾᔨᓯᒪᔭᕆᐊᖃᖅᑐᑎᑦ ᐃᓚᓕᐅᑎᓯᒪᓗᒍ ᐃᕝᕕᑦ ᑐᒃᓯᕋᐅᑎᖓᓄᑦ, ᐊᑭᓕᐅᑎᔪᒃᓴᐅᓗᓂ “ᓄᓇᕗᑦ ᒐᕙᒪᒃᑯᖏᓐᓄᑦ” ᑕᐃᒪᐃᒃᓴᐃᓐᓇᓐᖏᑦᑐᖅ ᕿᓂᕈᕕᑦ ᐃᓕᓐᓅᑦ ᑐᕌᖓᔪᓂᒃ.

ᒪᓕᒃᑐᒍ ᖃᓄᑎᒋ ᑐᓴᒐᒃᓴᐅᔪᒥᒃ ᑐᒃᓯᕋᕐᓂᕆᔭᐃᑦ ᐊᒻᒪ ᖃᓄᑎᒋ ᐱᔭᕆᐊᑐᑎᒋᒻᒪᖔᖅ ᕿᓂᕆᐊᖓ ᐊᒻᒪ ᐊᔾᔨᓕᐅᕆᐊᖓ, ᐊᑭᓖᑎᑕᐅᑐᐃᓐᓇᕆᐊᖃᖅᑐᑎᑦ ᐊᒥᓱᓕᐅᖅᑕᐅᓂᖏᓐᓄᑦ, ᖃᖓᑦᑕᐅᑎᖏᑦ, ᖃᓄᑎᒋ ᕿᓂᕆᐊᖃᕐᒪᖔᑕ ᐊᒻᒪ ᐅᐸᓗᖓᐃᔭᖅᑕᐅᓗᑎᒃ ᑐᒃᓯᕋᖅᑕᑎᑦ, ᐅᕝᕙᓗ ᐊᓯᖏᑦ ᐊᑭᓕᕆᐊᖃᖅᑐᑦ ᐃᕝᕕᑦ ᐱᔪᒪᔭᖓᓄᑦ. ᓯᕗᓂᐊᒍᑦ ᐅᖃᐅᔾᔭᐅᒐᔭᖅᑐᑎᑦ ᖃᓄᑎᒋᐸᓗᒃ ᐊᑭᖃᕋᔭᕐᓂᖓᓂᒃ.

ᒐᕙᒪᒃᑯᓐᓄᑦ ᑲᑐᔾᔨᖃᑎᒌᖑᔪᑦ ᐃᕝᕕᑦ ᑐᒃᓯᕋᐅᑎᖓᓂᒃ ᐱᒍᑎᒃ ᐊᒻᒪ ᐊᑭᓕᐅᑎᓐᓂᒃ, ᑭᐅᔭᐅᔭᕆᐊᖃᕋᔭᖅᑐᑎᒃ ᐅᓪᓗᐃᑦ 30 ᐃᓗᐊᓂ.

ᐊᑕᖏᓐᖏᑐᐃᓐᓇᕆᐊᓕᒃ. ᑖᓐᓇ ᐱᖁᔭᖅ ᐊᔪᓐᖏᑎᑦᑎᔪᖅ ᐱᔪᓐᓇᓂᕐᒧᑦ ᐊᒥᓲᓂᖅᓴᓄᑦ ᒐᕙᒪᒃᑯᓐᓄᑦ ᐱᓯᒪᔭᐅᔪᓄᑦ ᑐᓴᒐᒃᓴᐅᔪᓄᑦ, ᐃᓚᖏᑦ ᐊᑐᓐᖏᑎᑕᐅᑐᐃᓐᓇᕆᐊᖃᕐᒥᔪᑦ. ᐊᑐᓐᖏᑎᑕᐅᔪᑦ ᓇᓗᓇᐃᖅᓯᔪᑦ ᐱᔾᔪᑎᖏᓐᓂᒃ ᒐᕙᒪᒃᑯᑦ ᖃᓄᐃᒻᒪᑦ ᕿᐱᓗᒍᓐᓇᕐᒪᖔᑕ ᑐᓴᒐᒃᓴᐅᔪᓂᒃ.

ᒐᕙᒪᒃᑯᓐᓄᑦ ᑲᑐᔾᔨᖃᑎᒌᖑᔪᖅ ᕿᐱᓗᒃᐸᑦ ᑐᓴᒐᒃᓴᓂ ᑐᓂᓯᓂᕐᒧᑦ, ᖃᓄᐃᒻᒪᑦ ᑕᐃᒪᐃᔾᔪᑎᒥᓂᒃ  ᓇᓗᓇᐃᖅᓯᔭᕆᐊᖃᖅᑐᖅ, ᑎᑎᖅᑲᑎᒍᑦ, ᐊᒻᒪ ᑐᓴᖅᑎᓪᓗᓂᑎᑦ ᐃᕝᕕᑦ ᐱᔪᓐᓇᐅᑎᖓᓂᒃ ᐊᐱᕆᔪᓐᓇᕐᓗᑎᑦ ᑐᓴᒐᒃᓴᓕᕆᓂᕐᒧᑦ ᐊᒻᒪ ᑲᓐᖑᓇᖅᑐᓕᕆᓂᕐᒧᑦ ᑲᒥᓯᓇᒥᒃ ᕿᒥᕐᕈᓇᖁᓗᒍ ᐃᓱᒪᓕᐅᕈᑕᐅᔪᖅ.

ᐋᒡᒐ, ᐊᑭᖃᓐᖏᑦᑐᖅ ᐊᐱᕆᓂᐊᕈᕕᐅᒃ ᑐᓴᐅᒪᖃᑦᑕᐅᑎᓕᕆᓂᕐᖕᒧᑦ ᑲᓐᖑᓇᕐᑐᓕᕆᓂᕐᖕᒧᓪᓗ ᑲᒥᓴᓇ ᕿᒥᕐᕈᖁᔨᒍᕕᑦ ᖃᓄᑐᐃᓐᓇᖅ.   

ᐄ. ᐊᑐᖅᑕᐅᒐᔪᒃᑐᕐᓕ, ᓈᒻᒪᒃᓴᓐᖏᒃᑯᕕᑦ ᐃᓱᒪᓕᐅᕈᑕᐅᔪᒥᒃ ᓄᓇᕗᑦ ᒐᕙᒪᒃᑯᖏᑕ ᐱᓕᕆᕝᕕᖓᓄᑦ, ᕿᒥᕐᕈᔭᐅᖁᔨᓐᓂᕈᕕᑦ ᐊᔪᐃᓐᓇᕆᐊᕈᑏᑦ ᐅᓪᓗᑦ 30 ᐃᓗᐊᓂ (ᑕᖅᑭᓕᒫᖅ) ᑐᓂᔭᕆᐊᖃᖅᑕᑦ ᒐᕙᒪᒃᑯᑦ ᐱᓕᕆᕝᕕᖓᓄᑦ ᐃᓱᒪᓕᐅᕈᑎᒥᓂᖅ ᐱᔾᔪᑎᒋᓪᓗᒍ.

ᑭᓱᑐᐃᓐᓇᕐᒨᖓᔪᓂᒃ ᐊᐱᖅᑯᑎᑦᓴᖃᕈᕕᑦ ᖃᓄᖅ ᐊᑐᐃᓐᓇᖃᕈᓐᓇᕐᒪᖔᕐᐱᑦ ᒐᕙᒪᒃᑯᓐᓂᒃ ᑐᓴᒐᒃᓴᓂᒃ ᐅᕝᕙᓘᓐᓃᑦ ᐱᔪᒪᓐᓂᕈᕕᑦ ᑲᓐᖑᓇᕐᑐᓂᓪᓗ ᐱᖁᔭᐅᑉ ᐃᓗᓕᖏᓐᓂᒃ ᕿᒥᕐᕈᐊᕈᒪᓗᑎᑦ ᑐᓴᒐᒃᓴᓂᒃ, ᖃᐅᔨᒋᐊᕈᓐᓇᕐᐳᑎᑦ ᑐᓴᐅᒪᖃᑦᑕᐅᑎᓕᕆᓂᕐᖕᒧᑦ ᑲᓐᖑᓇᕐᑐᓕᕆᓂᕐᖕᒧᓪᓗ ᑲᒥᓴᓇᒧᑦ.   

ᑐᓴᐅᒪᖃᑦᑕᐅᑎᓕᕆᓂᕐᖕᒧᑦ ᑲᓐᖑᓇᕐᑐᓕᕆᓂᕐᖕᒧᓪᓗ ᑲᒥᓴᓇ ᑎᒃᑯᐊᖅᑕᐅᓯᒪᕗᖅ ᓄᓇᕗᒥ ᒪᓕᒐᓕᐅᕐᑏᑦ ᑲᑎᒪᔨᕐᔪᐊᖏᓐᓄᑦ.  ᑕᐃᒫᒃ ᐃᓛᒃᑰᖓᓂᖓ ᒐᕙᒪᒋᔭᑦᑕ ᐅᓪᓗᒥ ᓯᓚᑖᒍᑦ ᐊᑲᐅᓈᕈᑎᒋᒻᒪᒍ ᑲᒥᓴᓇ ᐱᔭᒃᓴᖏᓐᓂᒃ ᑲᔪᓯᑎᑦᓯᔪᓐᓇᖁᓪᓗᒍ ᐃᓚᓐᓂᕐᓱᐃᖏᓪᓗᓂ ᐱᖁᔭᐅᑉ ᐃᓗᐊᓃᒃᑐᓂᒃ ᐱᔭᒃᓴᖏᓐᓂᒃ.    

ᐱᖁᔭᖅ ᐱᒋᐊᓚᐅᕐᓯᒪᔪᖅ ᓄᓇᑦᓯᐊᑉ ᒐᕙᒪᒃᑯᖏᓐᓂ ᑎᓯᐱᒻᒪ 31, 1996ᖑᑎᓪᓗᒍ ᐊᒻᒪ ᓄᓇᕗᒥ ᐊᑐᕆᐊᓕᕐᑐᓂ ᐅᓪᓗᖓᓂ ᓄᓇᑦᓯᐊᖅ ᐊᕕᒻᒪᑦ.  ᐊᑐᖅᑕᐅᒋᐊᓕᒃ ᑕᒪᐃᓐᓄᓕᒫᖅ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ ᑎᒥᖁᑎᖏᓐᓄᓪᓗ, ᑲᑎᒪᔨᓄᑦ ᑲᒥᓴᓇᓄᓪᓗ, ᐊᕉᕋ ᓯᓚᒃᑐᓴᕐᕕᖓᑦ ᐱᖃᑕᐅᓗᓂ.

"ᐃᒻᒥᒦᓐᖔᕐᑐᑦ ᑐᓴᒐᒃᓴᑦ" ᑐᑭᓕᒃ ᑐᓴᒐᒃᓴᑦ ᑎᑎᕋᕐᑕᐅᓂᑯᑦ ᐃᕝᕕᑦ ᒥᒃᓵᓄᑦ ᐅᓂᒃᑳᓖᑦ.  ᐱᖃᓯᐅᔾᔨᓯᒪᑐᐃᓐᓇᕆᐊᓖᑦ ᐊᑎᕐᖕᓂᒃ, ᑐᕌᕈᑎᓐᓂᒃ, ᐊᕐᓇᐅᒻᒪᖔᕐᐱᑦ ᐊᖑᓪᓘᓐᓃᑦ, ᐅᑭᐅᑎᑦ, ᐃᓕᓐᓂᐊᕐᓯᒪᓃᑦ, ᐋᓐᓂᐊᕐᕕᒻᒥ ᖃᐅᔨᓴᕐᑕᐅᖃᑦᑕᕐᓂᑯᑎᑦ ᐃᖅᑲᓇᐃᔮᕆᓯᒪᔭᑎᓪᓗ ᐅᓂᒃᑳᖏᑦ - ᐊᓯᓕᒫᖏᓪᓗ ᐃᓕᓐᓂᒃ ᐅᓂᒃᑳᓖᑦ.

ᒐᕙᒪᒃᑯᑦ ᐱᓕᕆᕝᕕᖏᑦ ᓄᐊᑦᓯᔪᓐᓇᕐᑐᑦ ᐃᕝᕕᑦ ᑐᓴᒐᒃᓴᖁᑎᖏᓐᓂᒃ ᓄᐊᑦᓯᒋᐊᖃᕐᐸᑕ ᒐᕙᒪᒃᑯᑦ ᐱᔨᒃᓯᕈᑎᒋᕙᑦᑕᖏᓐᓄᑦ ᐊᑑᑎᖃᕐᓂᐊᕐᐸᑦ.  ᐃᒻᒥᒥᓐᖔᕐᑐᑦ ᑐᓴᒐᒃᓴᓂᑦ ᑭᐅᓚᐅᕐᓯᒪᓂᑰᒍᕕᑦ ᑕᑕᑎᕆᐊᓕᓐᓂᒃ ᐊᐱᖅᑯᑎᓂᒃ ᑭᐅᑐᐊᕋᕕᒋᑦ ᒐᕙᒪᒃᑯᑦ ᐱᓕᕆᕝᕕᖓᑕ ᐱᓕᕆᐊᒃᓴᖏᓐᓄᑦ ᐱᔨᒃᓯᕈᑎᖏᓐᓄᓪᓗ ᑐᕌᖓᑐᐊᖅᐸᑦ ᐱᓯᒪᔭᐅᓕᕐᓂᐊᕐᖓᑕ, ᓲᕐᓗ ᐊᖁᑦᑐᖅᓯᐅᑏᑦ ᐃᓪᓗᒧᓪᓘᓐᓃᑦ ᐱᔪᓐᓇᐅᑎᑖᕐᓂᕈᕕᑦ.

ᐱᖁᔭᕐᔪᐊᖅ ᐊᖅᑯᑕᐅᓪᓗᓂ ᒐᕙᒪᒃᑯᑦ ᑎᒥᖁᑎᖏᑦ ᓴᐳᒻᒥᐅᓯᖅᓯᓯᒪᔭᕆᐊᖃᖅᐳᑦ ᐃᒻᒥᒧᑦ ᑐᕌᖓᔪᓂᒃ ᑐᓴᐅᒪᔾᔪᑎᓂᒃ ᐸᐸᑕᖏᓐᓂᒃ.  ᒪᓕᒐᖅᑕᖃᐅᖅᑐᖅ ᖃᓄᖅ ᐃᒻᒥᒧᑦ ᑐᕌᖓᔪᑦ ᑐᓴᐅᒪᔾᔪᑏᑦ ᑲᑎᖅᓱᖅᑕᐅᔪᓐᓇᕐᒪᖔᖏᑦ, ᐊᑐᖅᑕᐅᔪᓐᓇᕐᒪᖔᖏᑦ, ᐸᐸᑕᐅᔪᓐᓇᕐᒪᖔᖏᑦ, ᓴᖅᑭᑕᐅᔪᓐᓇᕐᒪᖔᖏᑦ ᐊᒻᒪᓗ ᓴᒃᑯᑕᐅᔪᓐᓇᕐᒪᖔᖏᑦ ᐃᒻᒥᒧᑦ ᑐᕌᖓᔪᑦ ᑐᓴᐅᒪᔾᔪᑏᑦ.

ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖏᑦ ᐃᓕᖕᓂᒃ ᖃᐅᔨᒃᑲᐃᔭᕆᐊᖃᖅᐳᑦ ᑐᓴᐅᒪᔾᔪᑎᓂᒃ ᑲᑎᖅᓱᖅᓯᒪᔭᕐᒥᓂᒃ ᐊᑐᕈᒪᓂᐊᕈᑎᒃ.  ᐊᑦᑎᖅᓯᒪᔭᕆᐊᖃᖅᐳᑦ ᐃᓄᖕᒥᒃ ᑎᒥᖁᑖᑕ ᐃᓗᐊᓂ ᐃᖅᑲᓇᐃᔭᖅᑎᒥᒃ ᐊᐱᖅᑯᑎᒃᓴᖃᕐᓂᕈᕕᑦ ᑭᐅᔪᓐᓇᖅᑐᒥᒃ ᖃᓄᖅ ᑕᒪᒃᑯᐊ ᐃᒻᒥᒨᖓᔪᑦ ᐊᑐᖅᑕᐅᓂᐊᕐᒪᖔᖏᓐᓄᑦ.

ᐃᒻᒥᒧᑦ ᑐᕌᖓᔪᑦ ᑐᓴᐅᒪᔾᔪᑏᑦ ᐊᑐᐃᓐᓇᕈᖅᑎᑕᐅᔪᓐᓇᖅᐳᑦ ᑕᐃᒃᑯᓄᖓ ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖏᓐᓄᑦ ᐃᖅᑲᓇᐃᔭᖅᑎᓄᑦ ᐊᑐᕐᓂᐊᖅᐸᑕ ᑭᓯᐊᓂ ᐃᖅᑲᓇᐃᔮᖓᑕ ᒥᒃᓵᓄᑦ.

ᐃᓚᖏᓐᓂ ᒐᕙᒪᒃᑯᑦ ᐸᐸᑕᖏᓐᓃᑦᑐᖃᖃᑦᑕᖅᑐᖅ ᑐᓴᐅᒪᔾᔪᑎᓂᒃ ᐃᒻᒥᒧᑦ ᑐᕌᖓᔪᓂᒃ ᑕᖅᑲᒃᑯᓄᖓ ᑭᒃᑯᑐᐃᓐᓇᕐᓄᑦ ᑕᑯᔭᐅᔪᓐᓇᖅᑐᓂᒃ.  ᐆᒃᑑᑎᒋᔪᓐᓇᖅᑕᕗᑦ ᓄᓇᐃᑦ ᐊᑎᓕᐅᖅᑕᐅᓯᒪᓂᖏᑦᑕ ᑎᑎᖅᑲᖁᑎᖏᑦ ᐊᒻᒪᓗ ᓄᓇᐃᑦ ᑖᒃᓰᔭᐅᑎᖏᓐᓄᑦ ᑐᕌᖓᔪᑦ ᑎᑎᖅᑲᖁᑏᑦ.

ᐃᓕᖕᓅᖓᔪᓂᒃ ᐃᓗᐃᒃᑲᓂᒃ ᐸᐸᑕᐅᔪᓂᒃ ᑎᑎᖅᑲᖁᑎᓂᒃ ᐱᑕᖃᓐᖏᑦᑐᖅ.  ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖏᓐᓂᒃ ᐱᓕᕆᖃᑎᖃᕈᕕᑦ, ᐃᓕᖕᓄᑦ ᑐᕌᖓᔪᓂᒃ ᑐᓴᐅᒪᔾᔪᑎᓂᒃ ᐱᓯᒪᔪᒃᓴᐅᔪᑦ.  ᐆᒃᑑᑎᒋᓗᒍ, ᐃᖏᕐᕋᔾᔪᑎᓕᕆᔨᒃᑯᑦ ᐊᖁᔾᔪᑎᖕᓅᖓᔪᓂᒃ ᑐᓴᐅᒪᔾᔪᑎᓂᒃ ᐱᓯᒪᔪᑦ, ᐃᓕᓐᓂᐊᖅᑐᓕᕆᔨᒃᑯᓪᓗ ᑲᑎᒪᔨᖏᑦ ᕿᑐᕐᖓᕕᑦ ᐃᓕᓐᓂᐊᕐᓂᕆᔭᖏᑕ ᒥᒃᓵᓅᖓᔪᓂᒃ ᐱᓯᒪᓪᓗᑎᒃ, ᐊᒻᒪᓗ ᐋᓐᓂᐊᖃᕐᓇᓐᖏᑦᑐᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐱᓯᒪᓪᓗᑎᒃ ᓘᒃᑖᓕᐊᖃᑦᑕᕈᓯᕕᓂᕐᓅᖓᔪᓂᒃ.

ᐊᑐᖅᑕᐅᒡᒍᔪᓂ, ᐱᖁᔭᕐᔪᐊᖅ ᐊᖅᑯᑕᐅᓪᓗᓂ ᐱᔪᓐᓇᐅᑎᖃᖅᐳᑎᑦ ᐃᓕᖕᓅᖓᔪᓂᒃ ᑐᓴᐅᒪᔾᔪᑎᓂᒃ ᒐᕙᒪᒃᑯᑦ ᑎᒥᖁᑎᒋᔭᖏᓐᓂ ᐱᔭᐅᓯᒪᔪᓂᒃ ᑕᑯᔪᒪᔪᓐᓇᕐᓂᕐᒥᒃ.  ᐊᒥᓱᐊᖅᑕᖅ, ᐃᒻᒥᒧᑦ ᑐᕌᖓᔪᓂᒃ ᑐᓴᐅᒪᔾᔪᑎᓂᒃ ᐱᔪᓐᓇᖅᑐᑎᑦ ᐅᖄᓚᑐᐃᓐᓇᕐᓗᑎᑦ, ᑎᑎᕋᑐᐃᓐᓇᕐᓗᑎᑦ ᐅᕝᕙᓘᓐᓃᑦ ᒐᕙᒪᒃᑯᑦ ᑎᒥᖁᑖ ᑕᑯᔭᖅᑐᑐᐃᓐᓇᕐᓗᒍ.  (ᑐᕌᕈᑖᓂᒃ ᐅᖄᓚᐅᑎᐊᓂᒡᓘᓐᓃᑦ ᓇᓗᒍᕕᑦ, ᐅᖄᓚᐅᑎᓯᐅᑏᑦ ᐃᓗᓕᖏᓐᓃᑦᑐᑦ ᑐᖑᔪᖅᑕᑦ ᖃᐅᔨᒋᐊᕐᕕᒋᔪᓐᓇᖅᑕᑎᑦ).

ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖓ ᑐᓴᐅᒪᔾᔪᑎᓂᒃ ᐸᐸᑦᑎᔪᖅ ᖃᐅᔨᒋᐊᕐᕕᒋᓗᒍ ᐊᒻᒪᓗ ᓇᓗᓇᐃᖅᓯᕕᒋᓗᒋᑦ ᐃᒻᒥᒧᑦ ᑐᕌᖓᔪᓃᑦᑐᒥᒃ ᑕᒻᒪᖅᓯᒪᔪᒥᒃ ᐋᖅᑭᒋᐊᖅᓯᔪᒪᓂᕋᕐᓗᑎᑦ.  ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖓ ᐃᒻᒥᒧᑦ ᑐᕌᖓᔪᓂᒃ ᑕᒻᒪᖅᓯᒪᔪᓂᒃ ᐋᖅᑭᒋᐊᖁᔨᓐᖏᑉᐸᑦ, ᐸᐃᑉᐹᖁᑎᖕᓄᑦ ᐃᓕᓯᖁᔨᔪᓐᓇᖅᑐᑎᑦ ᐅᖃᐅᔾᔭᐅᓃᑦ ᐊᖏᖃᑎᒋᓐᖏᓐᓂᕋᖅᓯᒪᔪᓂᒃ ᐃᓕᓯᕕᐅᖁᓗᒍ.

ᑐᓴᐅᒪᔾᔪᑏᑦ ᐱᔪᒪᔭᑎᑦ ᐱᔪᓐᓇᓐᖏᒃᑯᕕᒋᑦ, ᐅᕝᕙᓘᓐᓃᑦ ᐃᒻᒥᒧᑦ ᑐᕌᖓᔪᑦ ᑐᓴᐅᒪᔾᔪᑏᑦ ᑕᒻᒪᖅᓯᒪᔪᑦ ᐋᖅᑭᒋᐊᖅᑕᐅᖁᔭᐅᓐᖏᑉᐸᑕ, ᑐᓴᐅᒪᔾᔪᑎᓂᒃ ᑐᒃᓯᕋᐅᑏᑦ ᑕᑕᑎᕈᑎᖏᓐᓂᒃ ᑕᑕᑎᕆᔪᓐᓇᖅᑐᑎᑦ.

ᐋᒃᑲᕈᓗᒃ.  ᐅᑯᐊ ᒪᓕᑐᐃᓐᓇᕐᓗᒋᑦ:

ᓯᕗᓪᓕᖅ 1: ᑐᒃᓯᕋᐅᑏᑦ ᑕᑕᑎᕈᑎᖏᓐᓂᒃ ᑕᑕᑎᕆᓗᑎᑦ, ᐅᕝᕙᓘᓐᓃᑦ ᑎᑎᕋᕐᓗᑎᑦ ᐅᖃᖅᓯᒪᔪᓂᒃ ᑐᓴᐅᒪᔾᔪᑎᓂᒃ ᐱᔪᒪᓂᕋᕐᓗᑎᑦ ᐅᕝᕙᓘᓐᓃᑦ ᐃᒻᒥᒧᑦ ᑐᕌᖓᔪᑦ ᑕᒻᒪᖅᓯᒪᔪᓂᒃ ᐋᖅᑭᒋᐊᖅᓯᔪᒪᓗᑎᑦ ᐱᖁᔭᕐᔪᐊᑉ ᐃᓗᓕᖏᑦ ᒪᓕᒡᓗᒋᑦ.  (ᑐᒃᓯᕋᐅᑏᑦ ᑕᑕᑎᕈᑎᖏᑦ ᖃᕆᓴᐅᔭᒃᑯᑦ ᐱᔪᓐᓇᖅᑕᑎᑦ ᐊᒻᒪᓗ ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖏᓐᓂᒃ ᓄᓇᕗᒻᒥ ᓇᓂᑐᐃᓐᓇᖅ).

ᑐᒡᓕᐊ 2: ᑕᑕᑎᖅᓯᒪᔪᑦ ᑎᑎᕋᖅᑕᑎᓪᓘᓐᓃᑦ “ᑐᓴᐅᒪᔾᔪᑎᓂᒃ ᐊᑐᐃᓐᓇᖃᕐᓂᖅ ᐃᒻᒥᒧᓪᓗ ᑐᕌᖓᔪᓂᒃ ᓴᐅᒻᒥᐅᓯᖅᓯᓯᒪᓂᕐᒧᑦ ᑐᑭᒧᐊᒃᑎᑦᑎᒡᒧᑦ”ᐊᐅᓪᓚᖅᑎᓪᓗᒋᑦ ᐱᓕᕆᕝᕕᖕᒧᑦ ᐃᓕᖕᓅᖓᔪᓂᒃ ᐱᓯᒪᔪᒥᓇᕐᓂᖅᐹᓄᑦ.

ᐃᒻᒥᒧᑦ ᑐᕌᖓᔪᓂᒃ ᑐᒃᓯᕋᐅᑎᓂᒃ ᑐᒃᓯᕌᖃᕐᓗᓂ ᐊᑭᓖᔭᕆᐊᖃᒡᒍᓐᖏᑦᑐᑦ.  ᑕᐃᒪᐃᒃᑲᓗᐊᖅᑎᓪᓗᒍ, ᑐᒃᓯᕋᐅᑏᑦ ᖃᓄᖅ ᐱᔭᕐᓂᓐᖏᑎᒋᖕᒪᖔᖓ ᐊᒻᒪᓗ ᖃᔅᓯᓂᒃ ᑐᒃᓯᕌᖃᕐᓃᑦ ᒪᓕᒡᓗᒍ, ᐊᑭᓖᑎᑕᐅᑐᐃᓐᓇᕆᐊᖃᖅᑐᑎᑦ ᕿᓂᕐᓂᖏᓐᓄᑦ ᐸᐃᑉᐹᖁᑎᓂᒡᓗ ᐃᓕᖕᓅᖓᔪᓂᒃ ᐋᖅᑭᒃᓱᐃᓂᕐᓄᑦ ᐊᒻᒪᓗ ᐅᓄᖅᓯᑎᑕᐅᓂᖏᓐᓄᑦ ᖃᖓᑦᑕᐅᑎᖏᓐᓄᓪᓗ.

ᒐᕙᒪᒃᑯᑦ ᑎᒥᖁᑎᖏᑦ ᑐᒃᓯᕋᕐᕕᐅᔪᑦ ᐱᖁᔭᕐᔪᐊᖅᑎᒍᑦ ᑭᐅᔭᕆᐊᓖᑦ ᐅᓪᓗᖅᓯᐅᑏᑦ ᐅᓪᓗᖏᑦ 30 ᑐᖔᓂ ᑐᒃᓯᕌᖅ ᐱᓚᐅᖅᑎᓪᓗᓂᐅᒃ.

ᒐᕙᒪᒃᑯᑦ ᑎᒥᓐᖑᖅᑎᓯᒪᔭᖓ ᑕᑯᖅᑯᔾᔨᓐᖏᑉᐸᑕ ᐅᕝᕙᓘᓐᓃᑦ ᐃᓕᖕᓅᖓᔪᑦ ᑐᓴᐅᒪᔾᔪᑏᑦ ᑕᒻᒪᖅᓯᒪᔪᑦ ᐋᖅᑭᒋᐊᖅᑕᐅᖁᔭᐅᓐᖏᑉᐸᑕ, ᐱᔪᓐᓇᐅᑎᖃᖅᐳᑎᑦ ᐊᐱᕆᓗᒍ ᑐᓴᒐᒃᓴᓕᕆᓂᕐᒧᑦ ᑲᓐᖑᓇᖅᑐᓕᕆᓂᕐᒧᓪᓗ ᑲᒥᓴᓇ ᕿᒥᕐᕈᓇᖁᓗᒍ ᐃᓱᒪᓕᐊᕕᓂᕐᒥᒃ.  ᕿᒥᕐᕈᓇᖁᔨᓗᓂ ᑲᒥᓴᓇᒥᒃ ᐊᑭᖃᓐᖏᑦᑐᖅ.